Pranoto Acoro Penganten Jawa Singkat

 Pranoto Acoro Jawa Lengkap Singkat Lengkap

Berikut salah satu bentuk pakem/standarisasi Pranoto Acoro pengantin singkat padat dalam Bahasa jawa, perlu di rubah sesuai nama, alamat, dan kondisi yang sesuai

السلام عليكم ورحمة الله وبركاته

إِنَّ الْحَمْدَ لِلَّهِ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَسَيِّئَاتِ أَعْمَالِنَا. مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ.

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ, وَأَشْهَدُ أَنَّ مُحَمَّدًا عَبْدُهُ وَرَسُولُهُ

اَللَّهُمَّ صَلِّى عَلَى مُحَمَّدٍ وَ عَلَى اَلِهِ وَأَصْحَابِهِ وَمَنْ تَبِعَ هُدًى

Assalāmu ‘alaikum wa raḥmatullāhi wa barakātuh.

Innal-ḥamda lillāh, naḥmaduhu wa nasta‘īnuhoo wa nastaghfiruh, wa na‘ūdzu billāhi min syurūri anfusinā wa sayyi’āti a‘mālinā. Man yahdihillāhu falā muḍilla lah, wa may yuḍlil falā hādiya lah.

Wa asyhadu allā ilāha illallāh waḥdahu lā syarīka lah, wa asyhadu anna Muḥammadan ‘abduhu wa rasūluh.

Allāhumma ṣalli ‘alā Muḥammad wa ‘alā ālihi wa aṣḥābihi wa man tabi‘a hudā.

 

Dumateng Ngarsanipun para sesepuh, pinisepuh, para ‘alim ulama ingkang satuhu lepdho ing pitutur, pono ing pamaos ingkan pantes kinormatan saha dipun mulyaaken dening Allah SWT.

Dumateng poro pangemban pangembating praja satriyaning nagari minangka pandam pandoming kawulo dasih ingkang kinasih.

dumateng bapa Danto kasiman. ibu Sulastri wati saha rombongan besan saking tlatah kotesan RT 18, Kecik, Tanon ingkang pantes pinundhi..

Para tamu kakung sumowono potri ingkang pantes sinudharsono

Para kadang werdho mudo taruno inggkang kulo tresnani

Minanggko purwakaning atur, sumonggo kulo derekaken tansah ngunjukaken puji syukur dumateng ngarso dalem Allaah SWT ingkang paring nikmat saha rohmat demateng kulo saha panjengenan, katitik wonten ing rikalenggahan puniko kulo saha panjenengan saged kempal manunggal nuhoni punopo ingkang dados bapa Purnomo, S.Kep.Ns soho Ibu Erna S.PDi tasyakuran walimatul urs kanti wilujeng nir ing sambe kala.

Saklajengipun Salawat soho salam mugi tnsah kunjuk dumateng ngarsanipun nabi agung Muhammad SAW ingkang kulo saha panjenengan tenggo menggah syafaatipun wontening yaumil kiyamah samngke.

Sanggyaning para tamu ingkang bagya mulya, wondene penganten kekalih Bagus Hayyan Abiyyu kadaupaken roro Wulan sampun tinangsulan tatacara akad nikah rikala dinten Seloso POn surya 28 oktober 2025 kanthi wilujeng kalis ing rubeda ingkang mapan wonten kotesan RT 18, Kecik,. Mugi pinanganten kekaleh kaparingan rumah tangga SAMAWA. Aamiin Ya Rabbal ‘Alamin.

 

Para tamu kakung sumowono putri ingkang pantes sinudharsono

Sakderengipun kulo nyuwun agunging samudro pangaksomo, mbok bilihkulo cumanthoko ngadeng ing mriki, mboten sanes kulo hamung minangka sulih sariro saking pajengenipun bapa bapa Purnomo, S.Kep.Ns soho Ibu kinen hangaturaken rantamaning adicara pawiwahan wonten ing pahargyan ndalu puniko.

 

Para tamu kakung sumowono putri ingkang pantes sinudharsono

Wondene rantamaning adicara wonten ing pahargyan tasyakuran walimatul urs piniko nuninggih;

Ingkang sepisan atur pambuko,

Adicara ingkang ongko Kaleh nuninggih atur pasrah-panampi pinangantun kakung. Wondene atur pasrah saking keluarga besan bopo Danto kasiman. ibu Sulastri wati sakmangkih badhe kasalirani dening panjenenganipun bapa Rudi, ingkang di pun kajejeri dening bopo Wanto lan Bopo Larno, wondene atur panampi saking kelurgo pianganten kakung bapa Purnomo, S.Kep.Ns dalasan Ibu Isakmangkih badhe kasalirani dening bapa Bopo Sajimen, ingkang di pun kajejeri dening bopo Agus lan Bopo Sasmin

Adicara ingkang angka tigo nuninggih atur pambagya raharjo ingkang sakmangkih badhe kasalirani dening panjenganipun Bopo Danang

Adi cara ingkang ongko sekawan nininggih mau’idhoh hasanah ingkang insyaAllah kawedar dening panjenenganipun Bopo Ust. Rondy, MA.g

Adicara ingkang pungkasan nuninggih panutup

Mekaten mengggah rantamaning adicara wonten pahargyan ri kalenggahan puniko.

 

Para tamu kakung sumowono putri ingkang dahat kinormatan.

Sumonggo adicara wonten ing rikalenggahan puniko dipun bikak kanti waosan basmallah sesarengan, kanti pangajap mugi pahargyan tasyakuran walimatul ursy puniko tansah pinayungan rahmatipun Alllah SWT. kulo derekaken Bismillah…

Para tamu kakung sumowono putrid ingkang pantes sinudarsono,

Adicara ingkang ongko kaleh nuninggih atur pasrah-panampi pinanganten, wondene atur pasrah saking keluarga besan bopo bapa Danto kasiman dalasan ibu Sulastri wati kasalirani dining panjenganipun bapa Rudi, ingkang di pun kajejeri dening bopo Wanto lan Bopo Larno. saha atur panampi saking bapa Purnomo, S.Kep.Ns soho Ibu kasalirani dening panjenganipun bapa Bopo Sajimen, ingkang di pun kajejeri dening bopo Agus lan Bopo Sasmin ,

Dumateng para ingkang sampun kasebat, kulo aturi jengkar saking sasono palenggahan tumuju wonten ing sasono pangendikan… sumonggo….

(acara)

 

atur pasrah saking bapa bapa Danto kasiman dalasan ibu Sulastri wati kasalirani dening panjenenganipun bapa Rudi , dumateng panjenganipun bopo Rudi kulo semanggaaken, sumonggo….

 

Mekaten menggah atur pasrah ingkang sampun ceto tatas soho titis tur trawoco

Selajengipun inggih puniko atur pinampi pinanganten saking mengku gati, sejatosipun panjenenganipun bapak Purnomo, S.Kep.Ns badhe marak ngbiyantara sami, saperlu nampi pasrah saking keluwarga pinanganten putri menika ananging nggih kabekto saking bombong miwah mongkoking manah karana karoban ing sih sadaya ingkang sampun hanjenengi saengga mboten kuwawi matur piyambak pramila menika badhe dipun sulih sarirani dening bapa Sajimen pramila dumateng panjenenganipun Bapa Sajimen  wekdal saha sasana kawula aturaken.

 

Satuhu tatas titis wijang saha gamblang atur panampi ingkang sampun dipun aturaken. Lan mangga adicara wonten pawiwahan punika kita lajengaken.

 (acara)

 

Para tamu kakung somowono putrid ingkang pantes kinormatan

Adicara ingkang angka tigo nuninggih atur pambagya raharjo ingkang sakmangkih badhe kasalirani dening panjenganipun Bopo Danang, dumateng panjenenganipun Bopo Danang wekdal saha sasana kawula aturaken

 

Para tamu kakung somowono putrid ingkang pantes kinormatan,

Adicara ingkang saklajengipun nunionggih istirahat,

Dumateng para kadang mudho taruno saha juru ladhi ugi juru suworo kulo sumanggaaken ngaturaken kewajibanipun, Sumonggo…

Sinambi midangetaken gendhing, kulo nyuwun kersa panjenengan ndherek dhaharan ingkang sampun kaaturaken

 

Adicara poto pangeston manten, saking pihak manten putri, kula aturi majeng dhateng sasono panggih manten kagem bebarengan sesarengan dipunpoto. Dumateng juru foto kulo aturi kanggem mratitiasken poto pangeston, sumonggo

Adicara sesambetan foto pangeston  saking pihak keluarga manten Kakung, dhumateng asmanipun Keluarga kakung, kulo nyuwun kersa rawuh majeng dhateng sasosno panggih manten, kagem kapoto pangeston sesarengan kaliyan manten kakung kaliyan manten putri. Dumateng juru foto kulo aturi kanggem mratitiasken poto pangeston, sumonggo

 

Para tamu kakung somowono putri ingkang pantes kinormatan,

Adicara isrtirahat  dipun cekapaken semanten,

kalajengaken adicoro saklajengipun nuninggih Mau’idhoh hasanah ingkang bade dipun babar dening panjenganipun Bopo Ust. Rondy, MA.g dumateng Bopo Ust. Rondy, MA.g  wekdal saha sasana kawula aturaken , sumonggo….

(acara)

 

Para tamu kakung somowono putri ingkang dahat kinormatan,

Mekaten menggah mau’idhoh hasanah ingkang sampun kaaturaken dening Bopo Ust. Rondy, MA.g mugi saged nambahi kaimanan saha katakwaan kulo saha panjenengan sedoyo, lamgkung-langkung dumateng pinanganten sarimbit ingkang badhe bale wismo saha bebrayan agung.

 

(( nyuwun sewu dumateng para tamu kakung sumowono putri kulo suwun pinarak sak wetawis, ngrantos juru ladhi ingkang ngaturaken daharan dumateng para tamu)

 

Para tamu kakung somowono putri ingkang pantes kinormatan,

Mekaten menggah lampahipun adicara wonten ing pahargyan rikalenggahan puniko sampun paripurno , kunjuk dumateng bapak (shohibul bait) keparenga hanjengkaraken pinanganten kakalih kakanthi tumuju dumateng wiwaraning sasana pawiwahan saperlu nguntapaken konduring para tamu saha nyuwun tambahing berkah pangestu.

,  kulo minongko pranoto adicara ugi hamengku gati mbokbilih anggen kulo matur kirang trapsilo sha kirang subosito  kulo ugi hamengku gati nyuwun agunging samudro pangaksomo. Monggo pahargyan ing rikalenggahan puniko dipun tutup kanti waosan hamdalah.. kulo derekaken .Alhamdulillahirobbil ‘alamii,

Saking kulo cekap semanten, akhirul kalam, wassalamu’alaikum Wr Wb.

 

Yang perlu di rubah di sesuaikan kondisi

• bapa Danto kasiman. ibu Sulastri wati (besan)
• kotesan RT 18, Kecik, Tanon (alamat pengantin perempuan)
• bapa Purnomo, S.Kep.Ns soho Ibu Erna S.PDi (orang tua laki-laki)
• Bagus Hayyan Abiyyu kadaupaken roro Wulan (pasangan pengantin)
• Seloso POn surya 28 oktober 2025 (waktu akad nikah)
• bapa Rudi, ingkang di pun kajejeri dening bopo Wanto lan Bopo Larno (Pasrah)
• Bopo Sajimen, ingkang di pun kajejeri dening bopo Agus lan Bopo Sasmin (Nampi)
• Bopo Danang (pambagyaharjo)
• Bopo Ust. Rondy, MA.g (mauidoh hasanah)

Artikel ini Berdasarkan Pengalaman dari penulis, Udin

Lokasi:

Berbagi :