Atur Pasrah Pengantin Jaler Singkat

Atur Pasrah Pengantin Jaler Singkat Lengkap 

Berikut salah satu bentuk pakem/standarisasi atur pasrah pengantin singkat padat dalam Bahasa jawa, perlu di rubah sesuai nama, alamat, dan kondisi yang sesuai

السلام عليكم ورحمة الله وبركاته

الْحَمْدُ لله رَبِّ الْعَالَمِيْنَ، وَالصَّلاَةُ وَالسَّلاَمُ عَلَى أَشْرَفِ الْأَنْبِيَاءِ وَالْمُرْسَلِيْنَ، وَعَلَى أله وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ، أَمَّا بَعْدُ

Al-hamdu lillāhi rabbil ‘ālamīn, waṣ-ṣalātu was-salāmu ‘alā asyrafi al-anbiyā’i wal-mursalīn, wa ‘alā ālihi wa aṣḥābihi wa man tabi‘ahum bi-iḥsānin ilā yaumid-dīn, ammā ba‘du.

 

Dumateng Ngarsanipun para sesepuh, pinisepuh, para ‘alim ulama ingkang satuhu lepdho ing pitutur, pono ing pamaos ingkan pantes kinormatan saha dipun mulyaaken dening Allah SWT.

Dumateng poro pangemban pangembating praja satriyaning nagari minangka pandam pandoming kawulo dasih ingkang kinasih.

Ingkang pantes tampi pakurmatan baraya calon/kadang besan sutresna bapa Danto kasiman. ibu Sulastri wati, Para tamu kakung sumowono potri ingkang pantes sinudharsono

Para kadang werdho mudo taruno inggkang kulo tresnani

Minanggko purwakaning atur, sumonggo kulo derekaken tansah ngunjukaken puji syukur dumateng ngarso dalem Allaah SWT ingkang paring nikmat saha rohmat demateng kulo saha panjengenan, katitik wonten ing rikalenggahan puniko kulo saha panjenengan saged kempal manunggal nuhoni punopo ingkang dados bapa Purnomo, S.Kep.Ns soho Ibu Erna S.PDi tasyakuran walimatul urs kanti wilujeng nir ing sambe kala.

Saklajengipun Salawat soho salam mugi tnsah kunjuk dumateng ngarsanipun nabi agung Muhammad SAW ingkang kulo saha panjenengan tenggo menggah syafaatipun wontening yaumil kiyamah samngke.

 

Para tamu kakung putri ingkang berbudi darma.

Langkung rumiyin kula hangaturaken agunging panuwun ingkang tanpa pepindhan dhumateng kadang pangendaliningwara awit sampun kepareng paring wekdal dhateng kula minangka duta saraya bapa Purnomo, S.Kep.Ns soho Ibu Erna S.PDi . saking tlatah Suwatu, Tanon, saperlu hangaturaken menggah wosing gati lekasing sedya sowan wonten ngarsanipun kadang besan sutresna nun injih bapa Danto kasiman. ibu Sulastri wati.

Ing salajengipun menggah wosing gati sowan kula sapangombyong, kaudhar lumantar atur ingkang kedah kula aturaken dhumateng Bapa Danto kasiman. ibu Sulastri wati.

Sepisan angaturaken salam taklimipun bapa Purnomo, S.Kep.Ns soho Ibu Erna S.PDi. mugi konjuk wonten ngarsanipun Bapak Danto kasimansekalian Ibu Tutik Kadarsih S.Pd , kanti waosan Asslamualaikum wr wb.

Atur ingkang angka kalih, sowan kula nyunggi jejibahan anglarapaken saha amasrahaken putra penganten kakung anakmas bagus Rondi  inggih putra kakungipun Bapak Purnomo, S.Kep.Ns sekalian garwa Ibu Erna S.PDi awit wonten ing dinten saha wulan kawuri sampun wonten pirembagan jejodohanipun putra penganten kekalih. Wondene ing titiwanci menika dinten, wulan, lan warsa pinanci kagem ijab qobuling putra penganten kekalih, inggih awit anak kula anakmas bagus Rondi  sampun kaijab qobulaken, saha sampun sah jejodoanipun miturut satataning agami lan pranataning negari, pramila keparenga kula hangaturaken agenging panuwun ingkang tanpa pepindhan dhumateng kadang besan sutresna awit panyuwun kula sampun katindaaken, kejawi menika babagan tanggel jawab panggulawentahipun putra kekalih kula aturaken dumateng baraya ageng kadang besan sutresna, murih kekalihipun boten nalisir saking paugeraning agami.

Kejawi saking menika minangka jangkeping tiyang sesanggeman, ugi kagem tangsuling katresnan, pangiket kekadangan, paningset pasederekan anggenipun sami bebesanan kula kinanthen ubarampe jangkeping palakrami ingkang awujud sanggan, ageman, saha majemukan, lan ugi sarat sarana adat padesan ingkang awujud, jurung srakah, pakemit/pakepel/palagara, pamesing, saha tanda tresnanipun keluarga dhumateng temanten putri awujud tali asih. Sedaya kula aturaken dhumateng kadang besan, Mugi ing samangkih kersa hanampi kanti suka rena ing penggalih.

Jangkep salajengipun. kula sapangombyong Bapak Purnomo, S.Kep.Ns sekalian garwa Ibu Erna S.PDi tansah jurung pamuji mring Gusti Kang Maha Tresna Asih mugi – mugi Gusti Allah angijabahi sedyaning putra penganten kekalih, satemah saget hambangun kulawarga ingkang Sakinah Mawadah Warohmah.

Sagung tamu ingkang bagya mulya, makaten lan semanten atur kula minangka sulih sarira Bapak Purnomo, S.Kep.Ns sekalian garwa Ibu Erna S.PDi minangka titah limrah kula anglenggana katah atur ingkang kirang mranani ing penggalih, pramila kiranging subasita lan trapsila anggen kula matur, kula hanamung mawantu wantu nyuwun lumunturing samodra pangaksama.

Nun ugi murih rancaging panindak, hambok bilih adicara upacara pasrah panampining putra temanten kakung sampun paripurna, keparenga kula sapangombyong nyuwun pamit lan nyuwun tambahing donga pangestu mugi anggen kula lan baraya ageng Bapak Purnomo, S.Kep.Ns sekalian garwa Ibu Erna S.PDi wangsul dhateng rompokipunn piyambak piyambak tansah rahayu ingkang sami pinanggih, wondene baraya ageng Bapak Danto kasiman/Ibu Tutik Kadarsih S.Pd makatena ugi.

Ing wusana wekdal katur dhumateng kadang pangendaliwara kanthi atur matur nuwun.

Wassalamu ‘alaikum Warahmatullaahi Wabarakaatuhu.

 

 

Yang Perlu di rubah sesuai kondisi dan keperluan :

Nama Orang tua        : Bapak Purnomo, S.Kep.Ns Ibu Erna S.Pdi

Nama Besan              : bapa Danto kasiman. ibu Sulastri wati

Pengantin laki-laki     : bagus Rondi  

Alamat Laki-laki         : Suwatu, Tanon

Demikian atur pasrah pinangantin Laki-laki, semoga bermanfaat.

 

Lokasi:

Berbagi :